豬潤你哋又啱唔啱食？
好多人會覺得內臟有腥味，食落唔多健康。
而我，只要係美食就唔會托手踭，點都會試下先。
話你知呢餐係我嘅早餐，信唔信？
冇錯啦！晨早搭地鐵過兩站嚟到深水埗，試下【維記】招牌豬潤粉面。
谂住平時港劇都會聽到，咁我就試下通粉啦（有米粉，面，通粉選擇）。
你嘟知通粉本身冇乜味道，全靠嗰湯底吊味，加埋豬潤我覺得，掂 ！
份量勁大，一大碗豬潤講真雖然我唔抗拒但都食得有d反胃！
另外嘟叫咗份餐蛋面，冇乜特別咪就係幾塊午餐肉加個太陽蛋咯，
湯底同豬潤面冇乜分別，少咗陣腥味嗻！
凍檸茶，有茶味，檸檬片嘟唔孤寒，整體來講係贏過馬來西亞多多聲。
如果你有嚟到深水埗一頭，可以試下 👍
維記咖啡粉面 Wai Kee Noodle Cafe
深水埗福榮街62號及66號地下
(港鐵深水埗站 B2 出口, 步行約2分鐘)
6.30am-8.30pm
你也可能喜歡的：
No comments:
Post a Comment